Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Elinor Barker yn feichiog pan enillodd arian yn y Gemau Olympaidd
Ffynhonnell y llun, Rex Features
Mae Elinor Barker wedi datgelu ei bod yn disgwyl ei phlentyn cyntaf a'i bod yn feichiog pan enillodd arian yng Ngemau Olympaidd Tokyo.
Roedd y seiclwr 27 oed o Gaerdydd yn rhan o dîm menywod Prydain a gipiodd fedal ym mis Awst.
Cyhoeddodd Barker ei newyddion ar Twitter ddydd Mawrth, gan ddweud ei bod hi a'i phartner "mor gyffrous i ddechrau rhan nesaf ein bywydau gyda'n gilydd".
Ychwanegodd ar Instagram: "yep, roeddwn i'n feichiog yng Ngemau Olympaidd Tokyo".
Mae newyddion da Barker yn fwy arbennig fyth wedi iddi ddatgelu yn 2019 ei bod yn dioddef o endometriosis, cyflwr a all achosi poen, mislif trwm a blinder.
Mae'r cyflwr yn effeithio ar tua un o bob 10 merch o oedran atgenhedlu a gall hefyd ei gwneud hi'n anoddach beichiogi.
