Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Asado: Dod â'r arfer Archentaidd o goginio cig i Gaernarfon
Bryn Fôn a'r Band sy'n canu'r geiriau "Dawnsio yn Dolavon, daeth Cofi o Gaernarfon, a dweud â llaw ar ei galon, Asado ar y paith", yn y gân Asado ar y paith.
Bellach, mae chwedl Bryn Fôn wedi dod yn wir.
Yn 2019 symudodd Michael Downey, athro o Gaernarfon i'r Wladfa er mwyn dysgu yn Ysgol y Gaiman a hyfforddi rygbi yng nghlwb Y Ddraig Goch.
Yn ystod ei gyfnod yno daeth i ddysgu am ddiwylliant Asado yr Ariannin; dull o goginio cig o flaen tân agored mewn nosweithiau cymdeithasol.
Diolch i'w ffrind a'i 'Athro Asado', Billy Hughes, Archentwr sy'n byw yn y Gaiman, mae Michael yn cael blas ar wneud Asado i'w deulu a'i ffrindiau nôl yng Nghymru.
A hithau'n wythnos caru cig oen yng Nghymru rhwng 1-7 Medi 2021, gwyliwch Billy a Michael yn trafod coginio cig oen trwy ddull Asado.
Hefyd o ddiddordeb:
