Ateb y Galw: Non Parry
- Cyhoeddwyd
Non Parry sy'n Ateb y Galw yr wythnos hon, wedi iddi gael ei henwebu gan .
Beth ydy dy atgof cyntaf?
Gwylio Scooby Doo drwy ffenest, tu allan i'r tÅ·.
Pwy oeddet ti'n ei ffansio pan yn iau?
Morten Harket o A-ha.
Beth oedd y digwyddiad a gododd y mwya' o gywilydd arnat ti erioed?
Snot yn hedfan allan o'n nhrwyn i tra'n canu unawd mewn cyngerdd pan o'n i tua 13.
Pryd oedd y tro diwethaf i ti grio?
Mae unrhywbeth (da neu ddrwg) yn 'neud i fi grio felly dwi'n crio pob dydd! Wil fy mab yn deud bod o'n ddiolchgar mod i'n dreifio fo i llefydd nath o ddoe. Dwi'n pathetic.
Non yn canu fel rhan o'r triawd poblogaidd, Eden
Oes gen ti unrhyw arferion drwg?
Dwi'n flêr ofnadwy. Dwi'n gadael lot o rybish yn y car.
Dy hoff le yng Nghymru a pham?
Trefdraeth. Mae o tua 10 munud o'n tÅ· ni ac felly yna pob penwythnos bron iawn gyda'r plant. Traeth, pyb, peint, pop a crisps yn draddodiad pob p'nawn Sadwrn.
Y noson orau i ti ei chael erioed?
Aeth Iwan a fi i Florida ac Efrog Newydd ar ein mis mêl, a tra yn Efrog Newydd mynd i weld David Hasslehoff mewn sioe. Odd y ddau ohonon ni wedi meddwi braidd ac roedd y sioe mor ofnadwy o'dd o'n HILARIOUS. A wedyn nath Iwan pwsho fi i'r ffrynt i deud helo wrth yr Hoff wrth iddo adael y theatr. Odd raid ti fod yna rili, ond ar y pryd dwi'n cofio chwerthin LOT.
Disgrifia dy hun mewn tri gair
Byr, hamddenol (neu gair gwell am relaxed!), di-drefn.
Ymddangosodd Non ar y gyfres goginio boblogaidd, Pryd o Sêr
Beth yw dy hoff lyfr?
Morgan a Magi Ann yn Prynu Ci (atgoffa fi o tÅ· Nain).
Byw neu farw, gyda phwy fyddet ti'n cael diod?
Greg Davies (y comedïwr). Sneb yn neud i fi chwerthin mwy na fo. A mae o'n edrych yn rili neis a normal.
Beth oedd y ffilm ddiwethaf welaist di?
Moana. Ciwt a doniol iawn. A neis gweld bach o haul.
Ar dy ddiwrnod olaf ar y blaned, beth fyddet ti'n ei wneud?
Bwyta lot.
Dy hoff albwm?
The 1975 gan The 1975
Cwrs cyntaf, prif gwrs neu phwdin, a be' fyddai'r dewis?
Pwdin; Crème brûlée... neu unrhywbeth efo cwstard.
Petaset yn gallu bod yn rhywun arall am ddiwrnod, pwy fyddai fo/hi?
Beyoncé (ar ddiwrnod ffilmio fideo yn arbennig!)
Pwy sy'n Ateb y Galw yr wythnos nesaf?
Catrin Mara
