Ateb y Galw: Rhodri Siôn
- Cyhoeddwyd
Y cerddor a'r actor Rhodri Siôn sy'n Ateb y Galw yr wythnos yma, wedi iddo gael ei enwebu gan .
Beth ydy dy atgof cyntaf?
Bod mewn pram sdreips coch a gwyn ar stryd yn Lerpwl lle nes i dreulio blynyddoedd cyntaf fy mywyd i, yn gwisgo het haul glas a shades, yn gafael mewn hufen iâ.
Pwy oeddet ti'n ei ffansio pan yn iau?
Lorraine Kelly.
Beth oedd y digwyddiad a gododd y mwya' o gywilydd arnat ti erioed?
Pi-pi yn fy nhrowsus mewn cwch rhwyfo yng Nglan-llyn. Bai Osian oedd o am rwyfo ffor' rong.
Pryd oedd y tro diwethaf i ti grio?
Mis Ionawr 2017.
Oes gen ti unrhyw arferion drwg?
Cnoi fy ewinedd.
Rhodri gyda'r Big Leaves yn y 1990au
Dy hoff le yng Nghymru a pham?
Uwchben Waunfawr ar y ffordd i fyny Moel Eilio. Gweld tuag at Ben Llŷn i'r chwith, Caernarfon yn y canol a Sir Fôn i'r dde. Llefydd pwysig i mi yn deuluol.
Y noson orau i ti ei chael erioed?
Gwersylla uwchben Nice gyda fy ngwraig. Pryd anhygoel ym mhorthladd Monte Carlo, gyrru wedyn i'r gwersyll drwy dwneli ffyrdd Monte Carlo, wedyn yfed gwin coch o flaen y babell ar glogwyn yn edrych i lawr ar y bae. Hyfryd.
Disgrifia dy hun mewn tri gair
Chiclyd, swil, obsesiynol.
Beth yw dy hoff lyfr?
Fools Die, Mario Puzo.
Byw neu farw, gyda phwy fyddet ti'n cael diod?
Jackson Pollock - er mwyn deall mwy am ei bersbectif unigryw fel artist, y criw oedd o'n hongian allan hefo, Efrog Newydd yn y cyfnod, y bwyd - dwi'n deall ei fod o'n dipyn o gogydd.
Moel Eilio ger Waunfawr, lle mae Rhodri yn gallu gweld y mannau pwysig yn ei fywyd
Beth oedd y ffilm ddiwethaf welaist di?
Room.
Ar dy ddiwrnod olaf ar y blaned, beth fyddet ti'n ei wneud?
Gafael yn dynn yn fy mhlant.
Dy hoff albwm?
Transformer, Lou Reed.
Cwrs cyntaf, prif gwrs neu phwdin, a be fyddai'r dewis?
Prif gwrs, Curry Thai da, gyda llwyth o flas ac arogl anhygoel.
Petaset yn gallu bod yn rhywun arall am ddiwrnod, pwy fyddai fo/hi?
Jürgen Klopp.
Pwy sy'n Ateb y Galw yr wythnos nesaf?
Mirain Haf Roberts.