Ateb y Galw: Caryl Parry Jones
- Cyhoeddwyd
Caryl Parry Jones sy'n Ateb y Galw yr wythnos yma wedi iddi gael
Beth ydi dy atgof cyntaf?
Eistedd mewn twll yng ngardd fy Nain yn Ffynnongroyw. Fan 'na o'n i'n mynd i fyfyrio cyn bod myfyrio yn "thing"!
Pwy oeddet ti'n ei ffansio pan yn iau?
Gareth Hughes o Dreffynnon... roedd o yn Fform pump pan o'n i yn Fform dau ac oedd ganddo fo sideburns a phopeth! Hefyd Steve Heighway oedd yn chwara' i Lerpwl yn y 70au a Marty o'r New Seekers.
Beth oedd y digwyddiad a gododd y mwya' o gywilydd arnat ti erioed?
Deud wrth y boi 'ma bo fi'n licio'i wallt o yn hir fel 'na a'i gomplimentio fo ar golli cymaint o bwysau ac yna fo'n deud diolch a'i fod o ar ganol cael sex change.
Pryd oedd y tro diwethaf i ti grio?
Gwylio 'Garden Rescue' wsos dwetha.
"O mam bach sbia pwy sy'n Ateb y Galw wsnos yma!"
Oes gen ti unrhyw arferion drwg?
Byta gormod, siarad gormod, chwyrnu!
Beth yw dy hoff le yng Nghymru a pham?
Anodd dewis. Wrth fy modd wrth y môr a ma' digon o hynna yng Nghymru ac wrth fy modd ac yn lwcus iawn i fyw ym Mro Morgannwg sydd yn wledig ac yn fendigedig ond yn ddigon agos i Gaerdydd sy'n ddinas ffantastig. Ond cyn belled a bod pobl grêt yna, dio'm ots lle faswn i.
Y noson orau i ti ei chael erioed?
Pen-blwydd fy merch Miriam eleni... am laff! Bwyd da, ffrindiau gorau, miwsig gwych.
Disgrifia dy hun mewn tri gair
Gweithgar, dros bwysau.
Beth yw dy hoff lyfr?
Harpo Speaks - hunangofiant Harpo Marks.
Pa ddilledyn fyddet ti'n methu byw hebddo?
Wel allwn ni FYW heb yr un ohonyn nhw. Ond dwi'n arbennig o hoff o siaced ledr las ac fy uchelgais ydi ei ffitio hi eto ryw ddydd.
Beth oedd y ffilm ddiwethaf welaist di?
Y Star Wars dwetha dwi'n meddwl. Dal ddim yn ei dallt hi.
Mewn ffilm o dy fywyd pa actor fyddai'n chwarae dy ran di?
Bydda Jennifer Lawrence yn grêt os ydy hi'n rhydd.
Roedd Caryl yn Llywydd y Dydd pan ddaeth Eisteddfod yr Urdd i'w milltir sgwâr yn Sir y Fflint yn gynharach eleni
Dy hoff albwm?
Albym Nadolig fy arwr, James Taylor.
Cwrs cyntaf, prif gwrs neu bwdin - pa un ydi dy ffefryn a be' fyddai'r dewis?
Pwdin... unrhyw beth hefo cwstard. Mae pwy bynnag ddyfeisiodd gwstard yn genius. CARU cwstard.
Petaset yn gallu bod yn rhywun arall am ddiwrnod, pwy fyddai fo/hi?
Beyonce - no brainer.
Pwy fydd yn Ateb y Galw yr wythnos nesaf?
Dot Davies
Caryl fydd yn cyflwyno rhaglen gyntaf o 07:00 tan 10:00.
Bydd Â鶹ԼÅÄ Radio Cymru Mwy ar gael trwy Gymru ar wefan Â鶹ԼÅÄ Radio Cymru, ap Â鶹ԼÅÄ iPlayer Radio a DAB yn y De Ddwyrain.