Â鶹ԼÅÄ

Yr wythnos yma y cyflwynydd Trystan Ellis-Morris sy'n Ateb y Galw, wedi i .

Dwi'm yn un da am gofio ond ma gen i gof plentyn o fod yn sgrechian yn yr uned ddamweiniau yn Ysbyty Gwynedd, Bangor ar ôl i Jeni fy chwaer drio nghodi o'r gwely a fy ngollwng. Arweiniodd hynny i mi dorri fy mraich!!! 'Chwarae'n troi'n chwerw' medd mam ond 'chwaer yn troi'n chwerw' medda fi!!!

Mi o'n i'n ffan mawr o 'Saved by the Bell' a dwi'n siŵr y buasai unrhyw fachgen arall oedd yn dilyn y gyfres yn cytuno bod Kelly Kapowski wedi gadael argraff sylweddol arnynt yn eu harddegau!!

Ymmmmm… wel yn 'Steddfod yr Urdd ddwy flynedd yn ôl pan o'n i'n crwydro'r maes yn cyfweld hwn a'r llall (sydd yn waith eitha' blinedig) mi nes i gyfweld rhywun (dwi ddim am enwi neb) ac yn ystod y cyfweliad mi nes i ddylyfu gên heb yn wybod i mi. Amhroffesiynol 'ta be!!

Mi 'nath y person ofyn (efo chwerthiniad yn ei llais) os oedd y sgwrs yn un ddiflas (yn fyw ar y teledu) ac mai dyna pan o'n i'n dylyfu gên?! 'Naci', medda fi. 'Mi nes i weld rywun arall yn gneud wrth basio a do'n i methu helpu fy hun, sori'.

Dwi'n lwcus mod i wedi cael mynd nôl i gyflwyno'r flwyddyn ganlynol, erioed wedi teimlo'r fath gywilydd!

Dwi'n berson eitha' emosiynol os dwi'n bod yn onest. Mi 'na i grio ar ddim. Dim o hyd yn ddagrau o dristwch a blinder, ond o falchder ac ymdrech eraill i lwyddo, mae hynny yn creu argraff ac yn gadael ei hoel arna i yn aml. Yng ngeiriau y diweddar Ray Gravell 'does dim cywilydd mewn llefen'.

Pan o'n i'n cyflwyno 'Cyw' a hithau'n nesu at ddiwedd yr wythnos yn y swyddfa a phawb yn eu hwyliau yn edrych 'mlaen at y penwythnos, mi o'n i'n cael fy hudo i ffonio ambell un yn y swyddfa efo acen 'sawth wêls' a chwarae pranc arnynt. Mi drodd hyn yn arferiad nes i rywun chwarae'r pranc arna i... nes i'm codi'r ffôn wedyn!

Gan bo gen i deulu agos iawn yn byw yn nhalaith Alberta, Canada dwi wedi treulio lot fawr o amser yn ninas Edmonton yn ddiweddar ac wedi dod i hoffi'r lle yn fawr iawn.

Cyfeillgarwch a glanweithdra ar ei orau! Mi nes i deithio i Washington DC cyn Dolig hefyd sydd wedi aros yn y cof am ei hanes a'i chryfder fel dinas o fewn America. Mae Llundain ymysg y gorau hefyd!!

Haha...wel y ddwy awr gynta' o fy mharti troi'n 30 yn ddiweddar, 'swn i'n hoffi deud noson i'w chofio...ond cofio dim llawar!

Oes, ma gen i datŵ o fap Cymru sydd maint fy llaw ar fy nghefn. Y tatŵ cynta' o nifer i mi gael gan mod i yng nghanol trafod a chynllunio y nesa', wedi dal y byg yn anffodus.

Dwi yng nghanol darllen 'Llanw' gan Manon Steffan Ross sydd yn anhygoel. Clyfrwch geiriau, plethu storïau a lliwio cymeriadau fel nad ydw i erioed wedi'i ddarllen o'r blaen. Dwi'n ffan mawr o waith Manon.

Siwmper! Ma gen i ddegau ar ddegau o siwmperi sydd yn debyg iawn i'w gilydd felly mae'n siŵr bod lot o bobl yn meddwl mod i'n gwisgo'r un dillad o hyd, sydd yn ddigon teg, ond ma gen i lwyth o rai tebyg. Yn aml iawn dwi'n cwyno mod i'n oer felly ma' siwmper dda yn hanfodol.

Mi nes i wylio 'Taken 1' a 'Taken 2' 'chydig wythnosa nôl er mwyn atgoffa fy hun o'r cymeriadau a'r storïau gan bod 'Taken 3' wedi dod allan. Wedi methu ei weld yn y sinema ond yn aros yn eiddgar iawn i'w brynu ar DVD. Liam Neeson (isod) ydi un o fy hoff actorion.

'Into Colour' gan Rumer. Mi nes i ddod yn gyfarwydd â hi nôl yn 2010 pan 'naeth hi gyhoeddi ei halbwm gynta' 'Seasons of my soul' ac yna 'Boys don't cry' yn 2012, y ddwy albwm yma hefyd yn anhygoel.

Cerddoriaeth sydd yn hawdd iawn i wrando arno ond sydd yn llawn ystyr, emosiwn a gonestrwydd ar yr un pryd. Llais sydd wedi bod yn gwmni i mi sawl gwaith ar fy nhaith nôl a mlaen o Gaerdydd i Ddeiniolen. Diolch Rumer.

Does dim cwestiwn, pwdin!! Ma' pawb sy'n fy 'nabod i'n dda yn gwybod nad ydw i'n foodie ac yn un sy'n dyheu am blatiad mawr o fwyd, ond dwi wrth fy modd efo pethau melys fel pwdin siocled, teisen sbwnj a chwstard a phwdin reis nain, sydd os cai ddeud, yn ddi-guro!

Ffonio i mi bob tro. Mae clywed llais yn well cwmni o lawar na darllen txt.

Dyma gwestiwn anodd! Dwi o hyd wedi dweud y byswn i'n hoffi cael tro ar ddarllen y newyddion felly mi fysa camu mewn i esgidiau rhywun tebyg i Huw Edwards neu Dewi Llwyd am ddiwrnod yn brofiad a hanner.

"A dyna fi Trystan Ellis-Morris yn Ateb y Galw wythnos yma, diolch am ddarllen a hwyl fawr iawn i chi gyd" ...fysa fo ddim yn siwtio fi na?!

Mari Grug