Ar y wal y mae llun mawr o Ryan Giggs ac o dîm pêl-droed Manchester United. Mae yna galendr pêl-droed hefyd a lluniau a wnaed gan blentyn.
Ar yr olwg gyntaf mae'n edrych, er braidd yn dlodaidd, fel sawl ystafell wely arall ac yn mesur rhyw naw troedfedd efo chwech.
Ond nid 'ystafell' mo hon ond cartref cyfan Jeremiah 12 oed o Matopeni yn Nairobi, Kenya - cartref y mae ef a phedwar arall, gan gynnwys ei nain, yn ei rannu
Mae'r cartref wedi ei ail greu ar safle Cymorth Cristnogol ar faes yr Eisteddfod er mwyn i blant â phobl Cymru gael gweld pa mor anodd yw bywyd i blant mewn rhai rhannau o'r byd.
Mae'r sylw pennaf yn cael ei dynnu at brinder dŵr ac ar glip fideo byr mae Jeremiah, syn gefnogwr brwd o Manchester United, yn disgrifio sut mae'r teulu yn gorfod cerdded milltiroedd i brynu dŵr glân.
"A chan nad oes toiled mae teuluoedd yn defnyddio bagiau plastig i gasglu eu baw ac yn yn eu taflu i ffwrdd. Mae'n nhw'n galw'r rhain yn 'flying toilets' meddai Branwen Niclas un o swyddogion Cymorth Cristnogol."
Ac mae Jeremiah yn disgrifio sut y gallwch gael eich taro gan un a sut maen nhw'n sbwriel ar y strydoedd gan beryglu iechyd y bobl."Mae'r cartref ydym ni wedi ei ail greu yn union yr un faint a chartref y teulu hwn er mwyn i blant Cymru gael gweld yn union faint o le sydd gan deulu i fyw. Mae amryw yn meddwl i ddechrau mai dim ond stafell mewn cartref yw hi yn hytrach na chartref cyflawn," meddai.
"Mae yna gyfle i ymwelwyr â'n pabell adael neges ghefyd fydd yn cael ei drosglwyddo i Jeremiah. "Mae hyn yn rhan o ymgyrch gan Gymorth Cristnogol sy'n gweithio yn yr ardal hon i wella cyflenwadau dŵr a charthffosiaeth a thrwy hynny iechyd pobl," meddai.
Mwy
Blogiau Â鶹ԼÅÄ Cymru
:
Doeddwn i ddim yn gweithio gefn llwyfan tan hanner dydd a'r gystadleuaeth gyntaf ar ...
