Rhys, Bangor
Dwi ond yn ugain oed felly does gen i ddim atgofion melys o watsiad ryan yn fyw, ond oedd gen mamgu dap vcr o'r enw "ryan" gyda darnau gora teledu ryan, ac oeddwn i arfer watsiad o pan o ni'n hogyn bach. wir i chi mae o dal i neud i fi chwerthin. Di'r hiwmor ddim wedi dyddio ac mae'r caneuon yn wefreiddiol. Dwi a fy mand yn mynd i wneud "cyfyr" o "yn y bore" ar uned 5 yn fuan felly watsiwch allan! Hir oes i'r brenin ryan
Thu Jan 17 00:47:24 2008
Tanya Edmonds, Gaerdydd
Dwi'n cofio gweld Ryan ddim yn hir cyn iddo farw (yn Abertawe) - roeddwn yn 6 mlwydd oed. Roedd Ryan weni creu gymaint o argraff arna i dwi'n cofio Taid yn mynd a fi i osod blodau ar ei fedd. Rydw i nawr yn 36 ac yn gweithio fel consultant niwroseicolegydd glinigol - yn y swydd yma dwi'n gweld pethau drist iawn ac yn gwrando ar 'Ryan at the Rank' yn y car i codi fy iselder. Priodais yn Castell Ruthin a cerdded lawr i'r gan 'Blodwen a Mary' !!!! Marwolaeth Ryan mor ifanc yn golled enfawr - fyddai'n meddwl amdana fe efo gymaint o barch am gweddill fy oes.
Fri May 11 20:44:57 2007
Willaims -Ynys Mon
Heb os y talent mwyaf unigryw ac anhygoel y welwyd yr iaith Gymraeg.Wrth feddwl am y talentau sydd wedi dod ag adloniant i gymaint ohonym yng Nghymru, credaf bod Ryan yn sefyll ar frig y rhestr! Dawn naturiol a berffeithwyd yn y groth! Ni welwir ei fath eto. Adlonwr o'r radd flaenoraf!
Sat Jan 27 09:52:33 2007
Iwan Llewelyn Jones o Borth-y-Gest
Er 'mod i wedi cyfrannu dau sylw cadarnhaol yn barod, carwn awgrymu mai da o beth fyddai dangos pennod/au arall/eraill bellach o Fo a Fe yn hytrach nag un y Nadolig, er mor glyfar ydi hi.
Fri Jan 5 20:47:25 2007
Iwan Llewelyn Jones o Borth-y-Gest ger Porthmadog
'Roedd Ryan yn gymeriad cyflawn ac amlochrog. 'Roedd o hefyd yn ddyn call ac mae angen dyn call iawn i chwarae rhan dyn gwirion. Yn fanna yn rhywle yr oedd cyfrinach Ryan.
Wed Dec 27 23:10:22 2006
Iwan Llewelyn Jones o Borth-y-Gest, Porthmadog
Mi gofia'i'r diwrnod yn iawn yn 1977 pan ddaeth y newyddion trist am farwolaeth Ryan. Hogyn ysgol 13 oed oeddwn i ar y pryd yn Ysgol Syr Thomas Jones, Amlwch. Oherwydd ei aml-ddoniau a'i ddoniolwch, fe barodd i minnau, hogyn 13, gael fy syfrdanu. Seren wib yn ffurfafen Cymru oedd o ac fe'i cipiwyd oddi wrthym yn rhy gynnar. Ond diolch bod ei ganeuon yn dal yn fyw i ni'r Cymry heddiw.
Sat Dec 23 22:39:22 2006
Joseph Evans (Llundain)
Er iddo farw cyn i mi cael fy ngeni, fe roeddwn ac mi fyddaf am byth yn un o gefnogwyr mwyaf Ryan. Fi dal heb ddod ar draws unrhyw un mor dalentog. Fi wastad yn gwrando ar Ryan at the Rank ar y ffordd adre pan ddoi nôl i Gymru, a ma fe wastad yn anfon fi i chwerthin. Ryan yw'r Brenin.
Wed Oct 18 16:29:45 2006
Marc, Reading (o Fôn)
O ble gest ti'r ddawn? Dwi'n meddwl am Ryan yn amal iawn, es I weld y ddrama a sgwrsiais efo Meic yn ddiweddar ond me un peth yn dod nol I mi bob tro, Pam? Pam fu farw Ryan mor ifanc, Pam fod y byd heb weld y dalent enfawr hon, ond y pam fwyaf oedd, pam fi, yn gymro pur, pam fi, yn heuddu mwynhau y canwr, actiwr, digrifwr ar ysgrifenwr gorau erioed. Dwi wedi bod yn lwcus Iawn, Iawn. Oddiwrth un or Fo's!
Sun Apr 16 22:49:09 2006
Adam Jones o Dyffryn aman
Wel amser wn'i yn Ysgol Gynradd Glanamman estalwm yr oeddent yn cael cyngherddau i dathlu Ryan Davies achos fe aeth Ryan i fy ysgol gynradd i. Mae ei wraig Eirin dal yn byw pen top Tircoed, rwyn ei hadnabod yn dda felly i wybod bod rhywun fel Ryan yn dod o fy mhentre bach i, rwyn teimlo balchder yn fy nghalon.
Wed Mar 15 20:12:28 2006
Ffion Davies, Caerfyrddin
Rydym ni fel cenedl wedi bod mor ffodus i gael rhywun mor ddawnus a mor ddoniol a Ryan! Ffantastic! Nid dim ond ei ddoniolwch sydd yn wefreiddiol ond ei ddoniau oll. Ac os byddai byth yn 'bord' neu'n teimlo'n isel, 'na gyd sydd angen yw i roi fidio Ryan yn y vcr i mhigo i fyny ac i wneud i mi chwerthin!! Mae'n donic a hanner! Diolch Ryan x
Wed Feb 22 10:13:06 2006
Arwyn Davies
On i'n potshian ar y compiwter ac am rhyw rheswm nes i teipo enw dad mewn ar google a ddath y safle we lan ymysg rhai eraill. diolch am drafferthu.Hwyl, Arwyn.
Thu May 19 01:46:15 2005
Ìý
