Bu farw Richard Lewis Jones - Dic Jones, Dic yr Hendre - awdur un o awdlau eisteddfodol gorau yr ugeinfed ganrif ddydd Mawrth, Awst 18, 2009.
Bu'n dioddef o ganser ers tro a methodd a chyflawni ei ddyletswyddau fel Archdderwydd yn Eisteddfod Genedlaethol Y Bala 2009 a chyn hynny, fis Gorffennaf, yn seremoni cyhoeddi Eisteddfod Genedlaethol Glynebwy.
Heb os yr oedd yn gynganeddwr gyda'r medrusaf a'r mwyaf cywrain wedi dysgu ei grefft wrth droed Alun Cilie.
Enillodd gadair Eisteddfod yr Urdd bum gwaith a chadair yr Eisteddfod Genedlaethol ddwywaith ond bu'n rhaid iddo ildio'i wobr yr eildro, yn 1976, am nad oedd ganddo hawl i gystadlu dan y rheolau ar y pryd.
Cyhoeddodd y cyfrolau hyn:
- Agor Grwn (TΕ· John Penry, 1960)
- Caneuon Cynhaeaf (TΕ· John Penry, 1969)
- Storom Awst (Gomer, 1978)
- Sgubo'r Storws (Gomer, 1986)
- Os Hoffech Wybod (Gwasg Gwynedd, 1989)
- Golwg Arall (Gomer, 2001)
- Golwg ar GΓΆn (Gwasg Gwynedd, 2002)
- Cadw Golwg (Gwasg Gwynedd, 2005)
Rhagor am Dic Jones ar ein gwefan:
- Bywgraffiad
- Dic Jones yr Archdderwydd - oriel luniau
- Meddwl mawr o'r Bala
- Galw am uno dwy 'sioe'
- Clipiau o'r archif
Wedi ei farwolaeth cyfansoddodd Gillian Clarke, Bardd Cenedlaethol Cymru, 'englyn' Saesneg iddo a rydd gyfieithwyd i'r Gymraeg gan Menna Elfyn:
Dic yr Hendre
Bard of birdsong, singer of harvest - this
eloquent elegist
of farm, field and fold, silenced
like the blackbird in August.
Dic yr Hendre
Telor, y cantor cyntaf - a hen hoedl
ei awdlau'n gynhaeaf;
Gwennol hedodd o'r gwanaf,
Distewi, a rhewi'r haf.
