Â鶹ԼÅÄ

Yn eu plith ceir tair cyfrol sy'n adrodd hanes rhai o fawrion byd y campau yma yng Nghymru.

Y Crwt o'r Waun - Gareth Edwards (Gwasg Gwynedd)
Yn y gyfrol ddiweddaraf yng Nghyfres y Cewri, Y Crwt o'r Waun, ceir hanes un y mae rhai yn honni iddo sgorio y cais gorau erioed yn hanes rygbi.

Mae Gareth Edwards hefyd yn cael ei ystyried y chwaraewr rygbi gorau erioed ac roedd yn aelod allweddol o dîm Cymru gafodd lwyddiant ysgubol yn ystod y Saithdegau.

Dyma lyfr ddylai apelio at y rhai hynny sydd yn byw a bod rygbi yn ogystal â'r rhai nad ydynt yn gwirioni gymaint ar y gêm.

>

O'i blentyndod hapus yng Ngwauncaegurwen i'w addysg yn Ysgol Fonedd Millfield i'w lwyddiant ar feysydd rygbi'r byd - mae'r hanes rhwng dau glawr wedi ei gywain gan Alun Wyn Bevan.

Gweld Sêr: Pêl-Droedwyr Gorau Cymru o'r 60au hyd Heddiw - Ian Gwyn Hughes (Gwasg Gomer)
Pwy yw'r pêl-droediwr gorau erioed i gynrychioli Cymru?

Mae'r sylwebydd Ian Gwyn Hughes wedi dewis 13 o chwaraewyr y mae'n eu hystyried yn oreuon ein cenedl ers y Chwedegau gan gychwyn gyda John Charles a gorffen gyda Ryan Giggs.

>

Mae yma bortreadau o'r chwaraewyr drwy lygaid personol prif ohebydd pêl-droed Â鶹ԼÅÄ Cymru.

Heblaw am Charles, gwelodd Ian bob un o'r chwaraewyr yn chwarae a bu'n cydweithio â rhai yn rhinwedd ei swydd.

Stephen Jones - O Clermont i Nantes - Stephen Jones, Lynn Davies (Y Lolfa)
Cawn gipolwg ar yr hyn ddigwyddodd yn ystod ymgyrch aflwyddiannus yng Nghwpan Rygbi'r Byd eleni drwy lygaid y capten, Stephen Jones mewn llyfr a sgrifennodd y chwaraewr gyda Lynn Davies.

>

Mae'r gyfrol hefyd yn dilyn cyfnod Stephen gyda thîm Clermont Avergne yn Ffrainc cyn iddo ddychwelyd i'w gartref ysbrydol - Parc y Strade, Llanelli.

Llyfr arall sydd ar gael yw cyfieithiad a diweddariad Saesneg o fywgraffiad Robin McBryde - 'Y Cymro Cryfa' - gyhoeddwyd y llynedd.

Mwynhewch y darllen dros yr ŵyl!