 |
|
Un
dydd ar y tro
Rhywbeth i'w ddathlu bob dydd meddai nofelydd wrth drafod pobl
hen
Mawrth 2003
|
Yn
ôl un o nofelwyr mwyaf blaenllaw Cymru mae pobol hen yn broblem.
Teitl llyfr diweddaraf Emyr Humphreys yw Old People are a Problem
ac mewn noson a drefnir gan Gyngor Llyfrau Cymru i ddathlu Diwrnod
y Llyfr bydd yn egluro beth yn union mae'n ei olygu wrth hynny.
Bydd yr awdur - sy'n 83 oed - yn edrych yn Γ΄l dros hanner canrif ei
yrfa yng nghwmni ei gyfaill a'i gyd-weithiwr M. Wynn Thomas, Athro
Saesneg Prifysgol Abertawe, yn Llyfrgell yr Wyddgrug nos Fawrth, Mawrth
4, diwrnod cyhoeddi y llyfr sy'n mynd i'r afael ΓΆ'r broses o heneiddio.
Y cyhoeddwyr yw Seren Books.
"Mae Emyr wedi ysgrifennu am bobl oedrannus erioed, hyd yn oed yn
The House of Baal a ysgrifennodd cyn belled yn Γ΄l ΓΆ 1963. Bydd
yn ddiddorol gweld sut y mae ei agwedd wedi newid erbyn hyn ac yntau'n
edrych ar fywyd pobl oedrannus o'r tu mewn, fel petai," meddai'r Athro
Thomas.
Rhywbeth gwahanol bob dydd
Mae Emyr Humphreys o'r farn fod pobl yn cael golwg wahanol ar bethau
bob dydd.
"Bob tro y byddwch yn gwrando ar gerddoriaeth, yn edrych ar waith
celf neu'n ailddarllen darn o lenyddiaeth, nid ydych yn gweld nac
yn clywed yn union yr un peth ag o'r blaen. Mae'n brofiad newydd,
yn bleser newydd, ac felly y dylai fod.
"Mae llyfrau'n ganolog i wareiddiad. Maen nhw'n eithriadol o bwysig.
Credaf fod darllen ac ysgrifennu'n cyfoethogi ein bodolaeth ac rwy'n
edrych ymlaen at gael siarad ΓΆ Wyn am eu pwysigrwydd fel rhan o ddathliadau
Diwrnod y Llyfr yng Nghymru," meddai.
Rhagoriaeth Emyr Humphreys
Dywedodd Mick Felton o Seren mae un o ragoriaethau Emyr Humphreys
fel nofelydd a storiwr yw fod ei ddawn storiol yn addas ar gyfer y
darllenydd cyffredin ond yn cynnwys hefyd yr hyn a alwodd yn "isleisiau
sy'n ein herio ac yn peri inni feddwl gan roi dyfnder i'r gwaith."
Ychwanegodd: "Old People are a Problem yw'r pedwerydd llyfr gwreiddiol
gan Humphreys i Seren ei gyhoeddi, ein seithfed cyfrol ganddo i gyd,
a'r orau eto."
Yn nofelydd, bardd a dramodydd, mae Emyr Humphreys yn cael ei gyfrif
yn aml yn "brif ddehonglydd bywyd Cymru yn Saesneg" ac mae'n awdur
21 o nofelau, pedwar casgliad o farddoniaeth a nifer o ddramΓΆu teledu.
Diwrnod y llyfr:
Bydd cannoedd o ddigwyddiadau ledled Cymru, mewn ysgolion, llyfrgelloedd,
stiwdios teledu a siopau llyfrau yn ogystal ag mewn siopau, swyddfeydd
a gweithleoedd eraill i ddathlu Diwrnod y Llyfr ar Fawrth 6.
Mae'n ddiwrnod sydd wedi tyfu mewn poblogrwydd dros y blynyddoedd
a'r llynedd ymunodd dros 30 o wledydd yn y dathliadau.
Y nod yw helpu pawb - o bob oed - i fwynhau llyfrau a darllen ac ymhlith
y rhai sy'n hyrwyddo'r diwrnod yng Nghymru y mae Ryan Giggs, Aled
Jones a Gaby Logan
Ebostiwch eich sylwadau
chi am lyfrau
|
|
|
Gair
am air
Siart
Cymru
Llyfrau
ar y We
NΓ΄l
i'r archif
