 |
|
Taith
go wahanol
Nofel antur gan Geraint Lewis yn dilyn taith sbermyn yn ei ymdrech
i ffrwythloni wy.
Dydd Iau, Awst 22, 2002
|
•
X gan Geraint Lewis.
Gwasg Carreg Gwalch. £5.95
Adolygiad gan Glyn Evans
Nofel antur yw hon ond un na welwyd ei hunion debyg o'r blaen yn y
Gymraeg..
Dilyn y mae daith sbermyn yn ei ymdrech i ffrwythloni wy.
Ac os yr oeddych chi yn teimlo mai rhyw bleser munud awr yw cenhedlu
nid felly mae hi'n edrych o safbwynt sberm sy'n ymgymryd ΓΆ'r daith
gyffrous a pheryglus o'r ceilliau gwrywaidd i'r siambr fenywaidd lle
mae wy yn cael ei ffrwythloni.
Enw'r sberm yn yr achos hwn ydi SAThAAG ac ef sy'n adrodd yr hanes.
Ef yw arwr y nofel.
Syniad difyr a diddorol
Er bod y syniad yn un difyr a diddorol ni allai rhywun beidio ΓΆ holi
wrth gychwyn ar y 234 o dudalennau a fyddai yma ddigon i gynnal darllenydd
yr holl ffordd.
Fodd bynnag, cymerodd rywfaint o amser imi setlo'i lawr i awyrgylch
y nofel a chael pethau'n glir yn y meddwl.
Un peth ydi darllen am rywun yn teithio ar draws Cymru - ar draws
y byd, hyd yn oed - gan fod gennych amcan go lew lle maen nhw.
Peth arall yn hollol ydi cael eich arwain ar daith ar hyd ffyrdd gydag
enwau fel fas defferens, chwarren Cowper, wrthetha ac ati ac fe gawn
i fy hun yn troi'n aml at ddarlun o'r corff gwrywaidd a benywaidd
mewnol sydd ar y ddalen agoriadol er mwyn gweld lle'n union yr oedd
SAThAAG ar y map o'i fyd.
Gallwn fod wedi gwneud efo llun cliriach a mwy o ran maint na'r un
sydd yna.
Map corfforol
Gyda'r map corfforol y mae yna hefyd lun o sbermyn gyda'r gwahanol
rannau yn cael eu henwi fel bod yr anghyfarwydd yn gwybod am be mae
SAAThAAg yn sΓ΄n pan yn cyfeirio at ei acrosom, sentriol ac yn y blaen.
Fel y dwedais, cymer ychydig o amser i ddod i arfer ΓΆ'r pethau hyn
ond buan iawn y mae rhywun yn dod i ddallt y dalltings.
Byd a chynefin y sbermyn ydi corff darlithydd coleg o'r enw Iwan Morgan
a gobaith y sbermyn - a Morgan, debygwn - yw cyrraedd wy yng nghorff
Catrin Owen.
O gwmpas hyn y mae Geraint Lewis wedi creu byd rhyfeddol sy'n fywydegol
gywir o ran amgylchedd ond o fewn y byd hwnnw rhoddir i'r cymeriadau
sy'n cynnwys sbermau, hormonau ac ati briodoleddau yr ydym ni yn gyfarwydd
ΓΆ hwy yn ein byw bob dydd ein hunain.
Dameg o'r cyflwr dynol
Yr hyn a gawn, o ganlyniad, yw dameg o'r cyflwr dynol ac ymwneud pobl
ΓΆ'i gilydd ond y cyfan yn gweddu i'r darlun corfforol mewnol.
Clyfar - a difyr iawn ac nid heb ei hiwmor ychwaith gyda jΓ΄cs bach
fel y sbermau mwy cyfoethog yn tarddu o Gerrigydrudion sy'n cael ei
ddisgrifio fel, "Ardal foethus yn y gaill dde."
Cerrig a drudion - go brin fod angen eglurhad, does bosib.
A chawn 'gymeriadau' yn dweud pethau fel:
"Fy enw i yw ThThThAAS gyda llaw. Dwi'n dod o ardal Hafn Hadog, ardal
yng Ngogledd Cawda'r gaill chwith," meddai yn ei acen frodorol, gan
edrych yn ddwys.
Clybio a phartïo
Mae'r sbermau a'r creaduriaid eraill yn clybio, yn mynychu bariau
ac yn partïo. Cychwyn y nofel gyda disgrifiad o noson yng nghlwb
nos Androgen lle mae sioe drawswisgo o'r enw Genie Genie.
Llwydda Geraint Lewis i gynnal yr holl elfennau hyn yn
ddeheuig iawn gyda'i ddull o drosglwyddo gwybodaeth am Iwan Morgan
yn arbennig o lwyddiannus trwy gyfrwng sibrydion a chlecs ymhlith
y sbermau.
"Mae (sic) nhw'n deud bod y cwrw ddim ar gael oherwydd bod y chwarren
brostad ei hun yn ddiffygiol, a bod Iwan Morgan yn yr ysbyty am fod
ganddo ganser y prostad," meddai un ohonyn nhw.
Cyn hynny, y stori oedd yn mynd o gwmpas oedd:
Mewn ysbyty
"Wel, yn un peth, cawsom ni gadarnhad lawr yma ddoe gan uwch swyddog
niwrolegol, fod Mr Morgan mewn ysbyty," meddai ThThThAAS. "Roedd angen
cadarnhau'r ffeithiau er mwyn rhoi taw ar y sΓ―on niferus, medda fo,"
ychwanegodd yn brudd.
Yna daw stori sy'n siwr o fod yn ddychryn i unrhyw sberm;
"Mae Iwan Morgan yn cael fasectomi," meddai o'r diwedd gan gladdu
ei acrosom yn rhychau olewog fy nghynffon.
Ac meddai SAThAAg: "Mae'n rhaid bod y si am fasectomi arfaethedig
Iwan Morgan wedi lledaenu drwy'r clwb fel tΓΆn mewn coedwig; gwelwyd
terfysgoedd - rhwygwyd darnau amrywiol o feinwe gyswllt gan sberm
rhwystredig ac ymladdai miloedd o wyau ei gilydd yn gwbl agored."
Da chi'n gweld bellach sut mae'r holl beth yn cael ei gynnal a ninnau
wrth ddarllen ymlaen yn dod yn fwy a mwy cyfarwydd ΓΆ'r byd mewnol
hwn lle mae marwolaeth rwber (gallwch ddychmygu beth yw hynny yn achos
sberm) yn hunllef ac yn ofn a lle mae rhybuddion hadlifiad yn cael
eu cyhoeddi pan yw'r hadau ar fin cael eu harllwys i gorff benyw.
Disgrifiad trawiadol
Mae yna ddisgrifiad trawiadol o'r weithred honno - o safbwynt y sberm!
Gan atgoffa rhywun o ddisgrifiadau o filwyr, dyweder, yn 'mynd dros
y top' mewn brwydr!
Mae'n ymwrthod ΓΆ themtasiwn amlwg i fod yn smyti a rhywiol awgrymog,
fodd bynnag.
Wrth gwrs, mae angen mwy i gynnal nofel na medru cynnal yr awyrgylch
hon a'r syniad hwn o gynefin ac y mae amhendantrwydd a ddaw SAAThAAG
drwyddi a dal wy yn llwyddiannus.
O fewn y cynefin y mae cymdeithas yn cael ei chreu hefyd gyda gelynion
a ffrindiau ymhlith y sbermau. Mae rhai yn aberthu, eraill yn twyllo.
Cariad a malais
O fewn y gymdeithas hon oddi mewn i'r corff dynol y mae cariad a malais
ac ambell sbermyn mwy Thatcheraidd ei natur yn mynnu nad oes angen
y fath beth ΓΆ chymdeithas beth bynnag:
"Dyw rhai ohonom ni ddim yn gweld yr angen am Gymdeithas," mynnodd.
"Mae rhai yn gweld y cysyniad o gymdeithas yn rhwystr."
Dydi hi ddim y nofel hawsaf i'w darllen ac efallai ei bod fymryn yn
rhy faith - sydd ddim yn rhywbeth yr ydych yn eich cael eich hun yn
ei ddweud yn aml iawn am nofelau Cymraeg!
Fodd bynnag, mae'n un werth mynd i'r afael ΓΆ hi.
Ebostiwch eich sylwadau
chi am lyfrau
|
|
|
Gair
am air
Siart
Cymru
Llyfrau
ar y We
NΓ΄l
i'r archif
