麻豆约拍

Ydi gwyddoniaeth yn gwneud gormod dros gleifion sy'n ddifrifol wael ac yn gwybod eu bod nhw'n marw?

Dyma gwestiwn canolog nofel Meleri Wyn James, Gwenynen Bigog.

Dywedodd mai'r profiad o weld ei thad yn dioddef a marw o ganser y llynedd a'i sbardunodd i'w sgrifennu.

Ni all y prif gymeriad, Rhiannon, sy'n dioddef sglerosis ymledol - MS (multiple sclerosis)- weld na symud ond mae hi'n dal i allu clywed popeth gan gynnwys holl gyfrinachau'r teulu.

Un o'r cyfrinachau hynny sy'n arwain at ei llofruddiaeth ar ddiwrnod priodas ei merch, Sera.

Stori ddirgelwch yw Gwenynen Bigog a gyhoeddir gan Wasg Gomer gyda'r awdur yn defnyddio 么l-fflachiadau i ddatguddio'n raddol gyfrinachau'r cymeriadau.

Mae'n codi cwestiynau pigog, a yw'r proffesiwn meddygol yn gyffredinol yn gwneud gormod i gadw pobol sy'n wael ofnadwy yn fyw.

"Er hynny nid nofel drist a diobaith yw hon gan fod yna ddigon o hiwmor a chyffro ynddi hefyd," meddai'r cyhoeddwyr.

Hi oedd Nofel Mis Awst Cyngor Llyfrau Cymru.

Dyma sylwadau Ian Edwards amdani:
Ar rai adegau rhaid cyfaddef fod darllen Gwenynen Bigog, nofel ddiweddaraf Meleri Wyn James, yn brofiad hynod voyeuraidd.

Mae'r awdur ifanc o Aberystwyth wedi llwyddo i ddod a'i darllenwyr i mewn i fywyd teulu sy'n cael ei rwygo'n ddarnau gan salwch MS (Sglerosis Ymledol) mewn ffordd mor effeithiol mae'n anodd peidio 芒 theimlo eich bod yn ymyrryd a'u preifatrwydd.

Efallai bod y radd yma o realaeth yn ganlyniad uniongyrchol i brofiad yr awdur yn gweld ei thad yn marw o ganser y llynedd.

Ond mae yna lawer iawn mwy na hynny i'r nofel ddirgelwch anarferol hon gyda chyfres o gyfrinachau o orffennol amheus yn arwain at lofruddiaeth ar ddiwrnod priodas.

Wrth ddarllen y nofel cefais y teimlad fod y salwch sy'n cadw'r prif gymeriad, Rhiannon, yn gaeth i'w gwely yn fwythair am y teimlad o fod yn gaeth i deulu.

Daw hyn drosodd orau yn yr olygfa lle mae Rhiannon yn cael ei chau allan o'r teulu wedi genedigaeth ei merch.

Ond er bod y nofel hon yn un bwerus iawn ac yn codi cwestiynau am natur cariad teuluol ac ynglyn 芒'r proffesiwn meddygol a dulliau o ofalu am gleifion nad oes gwella iddyn nhw y mae rhywbeth yn eisiau.

Y brif broblem yw'r defnydd o 么l-fflachiadau ar gyfer dweud y stori.

Er bod hyn ar y naill law yn ffordd anarferol o ddweud y stori gall hefyd roi'r argraff o fyfyriwr uchelgeisiol yn ceisio dangos ei hun mewn dosbarth sgrifennu creadigol.



Beth yw eich barn chi?