|  |
 |
 |
 |
|
|
|
|
 Y Triawd Amser a Môr Ladron y Caribî
Anturiaethau a hiwmor
Adolygiad Anna-Marie Robinson o Y Triawd Amser a Môr Ladron y Caribî. Addasiad Cymraeg gan Alun Ceri Jones.
Cyhoeddwyd gan Dalen. 64 tudalen, £9.99, i ddarllenwyr 8-15 oed.
Does na'm byd fel stori am fôr-ladron i gydio yn nychymyg y rhai ifanc, ac mae'r maes wedi cael ei atgyfodi eto'n ddiweddar gan ffilmiau Disney - Pirates of the Carribean 1 a 2.
Y Triawd Amser - sef Gwydion, Gwion a Garmon - sydd yn mentro i fyd byrlymus a chyffrous môr-ladron y ddeunawfed ganrif y tro hwn.
Bu anturiaethau'r Triawd yn diddanu plant yn yr Almaen ers blynyddoedd maith, ac fe ymddangosodd y llyfr hwn yn gyntaf yn 2002.
Mae yna hiwmor yn perthyn i hanes y tri wrth iddyn nhw fynd ar wahanol anturiaethau ar draws y byd mewn gwahanol gyfnodau o amser, ac mae'r straeon hefyd yn cynnwys elfennau addysgiadol a moesol cadarn.
Darganfod hen lestr
Yn y llyfr yma mae'r bechgyn yn cael eu cludo i fyd y môr-ladron ar ôl darganfod hen lestr aur yr ymerawdwr Monteswma tra ar daith drwy amgueddfa.
Ar eu taith maen nhw'n dod ar draws y fôr-ladrones Anne Bonny a'r gelyn pennaf, Blewgi Ddu, a buan daw'r triawd i sylweddoli fod gan y llestr aur rymoedd cyfrinachol all agor y drws i gyfoeth El Dorado.
A dyna pham mae bod a'r llestr yn eu meddiant yn achosi perygl iddyn nhw - mae pawb arall eisiau cael eu pawennau arno hefyd, a dydy diogelwch y bechgyn yn poeni dim arnyn nhw wrth i'r môr-ladron ymladd dros y llestr.
Ond mae'r llestr yn bwysicach na'i gyfrinachau i'r Triawd gan mai dyma'r unig obaith sydd ganddyn nhw o ddychwelyd adref yn ddiogel i'w cyfnod nhw mewn amser.
Poblogaidd gyda'r ifanc
Yn llawn anturiaethau cyffrous, mae'r llyfr ar ffurf stribed ac yn llawn lliw a symudiad.
Bydd yn siŵr o fod yn boblogaidd gyda'r ifanc - a'r rhai sydd ychydig yn hŷn! Edrychwn ymlaen at weld be fydd antur nesa y Triawd Amser.
Gweler Gwales
Cysylltiadau Perthnasol
Y Derwyddon
Llywelyn Fychan
 |
Ychwanegwch eich sylwadau i'r dudalen fan hyn:
|
|
|
|
|
|  | |  | |  | |  | | |  Sôn amdanynt
Rhestr o'r holl lyfrau sydd wedi cael sylw ar Â鶹ԼÅÄ Cymru'r Byd.
|
|
|
|  | |  | | |  Gair am air:
Detholiad o ddyfyniadau - ydych chi'n gwybod pwy yw'r awdur?
|
|
|
|
|
|
Llyfrau - gwefan newydd
Teulu Lòrd Bach
Petrograd
Lôn Goed
Silff y llyfrau diweddar
Hanner Amser
Deryn Glân i Ganu 
Awduron Cymru
Roger Boore
Nadolig a Rhagfyr 2008
Dolennau defnyddiol