 |
|
Hunllef
o drychinebau
Gwyn
Griffiths gydag adolygiad o Tri Mochyn Bach |
Dyddiadur
Taith - dyna destun Cystadleuaeth Medal Ryddiaith Eisteddfod Genedlaethol
Llanelli a’r Cylch. Nofel, ar ffurf dyddiadur taith, yw Tri Mochyn
Bach gan Eirug Wyn, y gyfrol fuddugol.
Mae sgerbwd y stori’n digwydd o fewn cwmpas pythefnos, ond drwy gyfrwng
atgofion - neu flashbacks, i ddefnyddio term teledu - mae’n cwmpasu
cyfnod llawer ehangach. Ac y mae yma ddau ddyddiadur, yr un y mae
Mair yn ei sgrifennu, a’r meddyliau go-iawn sy’n ei phen.
Y dyddiadur du a’r dyddiadur coch, fel bo’r darllenydd yn gwybod pwy
sy’n siarad, fel petae.
Mae breuddwydion, ac astudiaeth o freuddwydion, yn ganolog i’r stori.
Ai hunlle yw’r cyfan? Mae’r awdur fel pe’n awgrymu hynny. Ceir awgrym
pellach o hynny yng nglawr ardderchog y gyfrol - gwaith John Meirion
Jones. Mae yma gyffuriau sy’n creu drychiolaethau, ymddygiad treisgar
a thrychinebau. Ac y mae yma ladd. A derbyn y stori ar yr wyneb y
mae yn ysgytwol afaelgar.
Mae Mair, sy’n ddarlithydd Prifysgol, yn cael ei gwahodd gan bennaeth
llwyth yn Affrica i ymchwilio i freuddwydion. Ond mae’n canfod bod
gan y Pennaeth broblem - dirgelwch marwolaeth ei fab. Ai hunan-laddiad
oedd e?
Mae’r pythefnos yn cychwyn yn yr Eisteddfod Genedlaethol - mae disgwyl
i ddarlithydd yn y Gymraeg ei lordio hi o gwmpas y Maes. Wedyn mae’r
daith i Affrica yn cychwyn ac oddi yno i Catalunya. Ochr yn ochr â
dyddiadur y daith mae Mair yn datgelu hen drychinebau ac y mae’r sgerbydau’n
cloncian yn y cypyrddau. Neu mae hi’n eu hunllefu nhw. Ond mae trychineb
mwy i ddod.
Darllenais y nofel ar fy ngwyliau - ynghyd â phedair neu bump o nofelau
eraill, Cymraeg a Saesneg. Dyma’r orau o bell fordd, doedd dim modd
ei rhoi o’r neilltu. Wedi dweud hynny, y mae’n nofel a’m bwriodd i
iselder - mae’n affwysol drist a phesimistaidd.
Ond am grefft a sgrifennu mentrus, dyfnder a gafael sicr ar grefft
fedra i ddim cofio pryd y darllenais i ddim byd cystal yn y Gymraeg.
Cyhoeddir Tri Mochyn Bach gan Y Lolfa, pris £5.95.
Detholiad o lyfrau Cymraeg a dwyieithog diweddar
APÊL YR HÂG AM HEDDWCH A CHYFIAWNDER YN YR UNFED GANRIF AR HUGAIN
/ THE HAGUE DECLARATION ON PEACE AND JUSTICE IN THE TWENTY FIRST CENTURY:
Gol. D. Ben Rees. Addas. John Owen.
0000870757 Cyhoeddiadau Modern Cymreig, £1.
Agenda yn cynnwys 50 obwyntiau ar gyfer sicrhau heddwch a chyfiawnder.
Y BRENIN TRACHWANTUS: Dennis Reader. Addas. Ann Jones.
0704913461 Fabula, £5.
Stori yn cynnwys neges foesol; ar gyfer plant oed cynradd.
OWAIN GLYNDWR - TYWYSOG CYMRU: Rhiannon Evans. Darluniau, Margaret
Jones.
0862435358 Y Lolfa, £5.95.
Straeon wedi eu seilio ar fywyd Owain Glyndwr.
LLYFRAU SAESNEG O DDIDDORDEB I GYMRU
THE CHANGING FACE OF LEARNING TECHNOLOGY: Goln. David Squires, Grainne
Conole, Gabriel Jacobs.
0708316816 Gwasg Prifysgol Cymru, £14.99.
Detholiad o ysgrifau o’r cylchgrawn ALT-J
THE OFFICIAL FOOTBALL ASSOCIATION OF WALES YEARBOOK AND SUPPORTERS’
GUIDE 2000 - 2001: Gol. John Robinson.
186223048X Soccer Book Publishing Limited, £5.99
Arweinlyfr lliwgar yn cynnwys lluniau, dyddiadau pwysig a ffeithiau
diddorol.
LIFE AT NUMBER 10: NEIL JENKINS - AN AUTOBIOGRAPHY WITH PAUL REES:
Neil Jenkins gyda Paul Rees.
1840183829 Mainstream Publishing, £7.99
Argraffiad clawr meddal o gofiant y chwaraewr rygbi, wedi ei ddiweddaru
yn dilyn Pencampwriaeth y Chwe Gwlad 2000.
OWAIN GLYNDWR: PRINCE OF WALES: Rhiannon Evans, Darluniau Margaret
Jones
0862435447 Y Lolfa, £5.95
Straeon wedi eu seilio ar fywyd Owain Glyndwr.
PRIVATE FACES - THE AUTOBIOGRAPHY: Sian Phillips
0340712562 Hodder & Stoughton, £7.99
Hunangofiant Siân Phillips, un o actoresau enwocaf Cymru.
|
|
|
Steddfod
2003 
