Â鶹ԼÅÄ

Mae Democratiaid Rhyddfrydol Cymru yn cael cyfle i berfformio can actol gwneud cyflwyniad ar lwyfan cynhadledd Brydeinig y blaid ac mae 'na gryn gystadleuaeth wedi bod i gymryd rhan.

Pwy sydd wedi llwyddo, tybed? Christine Humphries a Kirsty Williams, wrth reswm. Go brin y byddai'n bosib cau allan Llywydd y blaid na'i harweinydd. Fel yr unig aelod cynulliad newydd am ddegawd mae Veronica German yn dewis ei hun. Mae'r un peth yn wir am ddarpar ymgeisydd Maldwyn Wyn Williams.

Pwy sy'n cael y slot olaf tybed? Aled Roberts. Pam fe? "Fel cynrychiolydd o fyd llywodraeth leol" medd y blaid.

Rwy'n falch o glywed hynny. Fe fyddai'n ofnadwy o beth pe bai trefniadaeth y blaid yn ceisio rhoi help llaw i un ymgeisydd am enwebiad rhanbarthol y Gogledd ar draul un arall sydd eisoes yn aelod cynulliad. Dim ond cathod mewn sach fyddai'n ymddwyn felly.

• Llyfrnodi gyda
• |
• |
• |
• |
• - Beth yw hwn?