Hwn, Llall ac Arall
Diawch, rwy'n falch nad oeddwn i yn y gwaith ddoe! Roeddem wedi bod yn ceisio cael cadarnhad ynghylch toriadau posib i S4C ers rhai wythnosau. Yn y diwedd fe'n curwyd gan y Guardian. Does dim byd gwaith i newyddiadurwr na cheisio dal lan gyda stori yr oeddech chi'ch hun yn awchu i'w chael!
Does gen i fawr ddim byd newydd na gwreiddiol i ddweud am y stori ond mae'n werth nodi efallai nad yw'r toriadau posib yn wahanol o safbwynt eu maint i'r toriadau mae'r DCMS yn gorfodi ar gyrff eraill mae'n ariannu.
Toriadau o 6% y flwyddyn am y pedair blynedd nesaf yw'r union doriadau y mae'r adran yn disgwyl gan Amgueddfeydd Cenedlaethol Lloegr er enghraifft. Yn yr ystyr hynny does 'na ddim tystiolaeth o gwbl bod yr adran yn "pigo" ar S4C oherwydd ffigyrau gwylio'r sianel neu unrhyw reswm arall. Gyda llaw, os oes unrhyw un o'r farn y gallai'r Sianel droi at y Cynulliad am achubiaeth mae'n werth darllen y post yma o eiddo Betsan ynghylch peryglon gwneud hynny.
Yn y cyfamser roedd 'na isetholiad yn ward y Cymmer yn Rhondda Cynon Taf echdoe. Dyma'r canlyniad;
Llafur 740 (52.3%;-0.3)
Plaid 470 (33.2%;-14.3)
Ann. 142 (10.0%;+10.0)
Ceid. 41 (2.9%;+2.9)
Gwyrdd 23 (1.6%;+1.6)
Mae'n ymddangos taw'r cyfan wnaeth ddigwydd yn fan hyn oedd bod Plaid Cymru wedi colli peth o'i phleidlais i'r ymgeisydd annibynnol. Fe safodd hwnnw i'r Democratiaid Rhyddfrydol yn yr Etholiad Cyffredinol. Fe adawodd y blaid gan gredu fod ganddo well siawns ennill sedd cyngor fel ymgeisydd annibynnol. Cam gwag os buodd un erioed!
Mae atebion y cwis wedi eu cyhoeddi. Cafodd Dewi 9/10 ac roedd nifer eraill yn agos iawn at y gamp lawn. Fe wnaeth pawb fethu'r ateb i gwestiwn pump sef "Pe Symudai y Ddaear" gan Griffith Jones. Mae fy nghyfaill pedantig Tomos Livingstone o'r Western Mail yn cael pwynt bonws am nodi gwall mewn un cwestiwn. Yn rhif deg ac nid yn DoSAC yr oedd Malcolm Tucker yn gweithio! Dewi sy'n derbyn y goron ac fe fydd 'na gwis arall cyn bo hir.
Golygydd Materion Cymreig y Â鶹ԼÅÄ yn blogio'n rheolaidd ar faterion gwleidyddol Cymru.
SylwadauAnfon sylw
I think certain people in the ‘London’ broadcasting establishment need to forget about the speck of sawdust in S4C’s eye and pay more attention to the plank in your own eye?
Have you seen the expenses for the director of Ofcom Wales published here :-
Enough to make a moat owning Tory backbench knight of the shire blush !
Expenses Rhodri Williams last three years £21 248 a year £28 186 a year and £10 703 this year !