Perlau Oscar
Mae hi wastad yn bleser gwrando ar Mohammad Ashgar. Does wybod pa berl y bydd dyn yn clywed. Y bore 'ma yn y pwyllgor diwylliant cyfeiriodd at y "world-class Welsh hurdler, Michael Jackson" cyn symud ymlaen i ganmol Ian Woosnam am ennill y "top award in US Golf". Rwy'n cymryd mai cyfeiriad at y "US Masters" oedd hwnna!
Roedd pethau'n fwy gwaraidd ac addysgedig yng nghyfarfod y pwyllgor Cynaladwyedd lle'r oedd yr aelodau yn trafod rhandaliadau- alotments i chi a fi.
Cafodd y Pwyllgor wers hanes difyr gan Dan Morris o Gymdeithas y Rhandalwyr am yr hyn yr oedd gan gyfraith Hywel Dda i ddweud am berchnogaeth tir, dwr a physgod. Diolchodd Mike German i Dan gan nodi fod ei atebion yn "hynod ddefnyddiol". Dydw i ddim yn meddwl ei fod yn cellwair wrth ddweud hynny!
Golygydd Materion Cymreig y Â鶹ԼÅÄ yn blogio'n rheolaidd ar faterion gwleidyddol Cymru.
SylwadauAnfon sylw
Ond beth oedd Hywel Dda yn dweud am berchnogaeth tir, dŵr a physgod? Os gwelwch yn dda.