Lipstics a Thonics a Beiros Bic Du
Mae 'na filiynau o ddogfennau wedi eu rhyddhau gan DÅ·'r Cyffredin heddiw ac megis cychwyn mae'r gwaith o'u darllen!
Mae chwisgi wedi arwain at gwymp sawl pechadur... ond pwy fyddai wedi disgwyl y byddai'r cymeriad annwyl yna Huw Irranca Davies yn un ohonyn nhw? Nid slochian y stwff wnaeth Huw ond hawlio am gas o chwisgi i gyflwyno fel gwobr raffl. Mae Huw yn dweud ei fod wedi rhoi chwisgi TÅ·'r Cyffredin i sawl elusen ar hyd y blynyddoedd a dyw e ddim yn deall pam y cafodd y gost ei hawlio ar un achlysur. Mae fe'n addo ad-dalu'r arian.
Fe wnaeth Lembit hawlio am "the mother of wigs". Achlysur elusennol, meddai fe. Mae lipstics a britvics a sanau slic du yn boblogaidd neu yn fwy manwl lipstics, gin a thonics a beiros bic du. Fe hawliwyd am bob un o rheiny gan aelodau seneddol Cymru.
Draw ym Mynwy talodd Davies David miloedd o bunnau i gwmni loris ei dad am adeiladu stondin ac argraffu taflenni ar gyfer sioe amaethyddol. Yn ôl David does neb ar ei ennill yn ariannol. Yn wir roedd y gost yn llai na chyflogi cwmni arbenigol i wneud y gwaith.
Fel maen nhw'n dweud weithiau "mwy ar ôl y toriad..."
Golygydd Materion Cymreig y Â鶹ԼÅÄ yn blogio'n rheolaidd ar faterion gwleidyddol Cymru.
SylwadauAnfon sylw
Tynnwyd fy sylw heddiw at un AS oedd wedi talu just i gan punt am gael rhywun i agor drws ei fflat yn Llundain.
Doedd yr enw ddim ar y copi ges i, ond yr awgrym oedd fod rhaid fod yr Aelod yma wedi blino ar ol siwrne hir ar y tren, o rywle fel Aberystwyth o bosib.