Cyfle i'r Gymraeg
Mae hi wedi bod yn ddeufis hir! Heddiw mewn gwirionedd yw'r diwrnod cyntaf i ni ddychwelyd at y drefn waith arferol yn y bai ond rhiw sesiwn fach gwta fydd eisteddiad y cynulliad heddiw gyda'r aelodau yn cael clywed pa fesurau deddfwriaethol y mae llywodraeth Rhodri Morgan yn gobeithio eu cyflwyno. Fe fyddwn yn gwybod y cyfan ymhen ychydig oriau does dim lawer o bwrpas felly mewn ceisio proffwydo'r cynnwys yn fan hyn.
Serch hynny mae un peth yn werth ei nodi dw i'n meddwl sef bod canlyniadau'r etholiad a'r hyn sydd wedi digwydd ers hynny wedi creu deinamig gwleidyddol hynod o ffafriol o safbwynt y Gymraeg. Gyda'r llywodraeth Lafur yn byw ar gardod Plaid Cymru dw i'n disgwyl addewidion mawr gan Lafur yn ystod y dyddiau ac wythnosau nesaf ynghylch addysg Gymraeg, tai fforddiadwy yn yr ardaloedd gwledig ac o bosib rhiw fath o fesur iaith.
Dw 'n synhwyro bod y drws bellach yn agored i grwpiau ymgyrchu a fu'n curo eu pennau yn erbyn muriau ers blynyddoedd. O weithredu'n gyflym ac yn gall mae 'na gyfle euraidd yn fan hyn.
Golygydd Materion Cymreig y Â鶹ԼÅÄ yn blogio'n rheolaidd ar faterion gwleidyddol Cymru.
SylwadauAnfon sylw
"Dw 'n synhwyro bod y drws bellach yn agored i grwpiau ymgyrchu a fu'n curo eu pennau yn erbyn muriau ers blynyddoedd. O weithredu'n gyflym ac yn gall mae 'na gyfle euraidd yn fan hyn."
Ti'n swnio fel lobiydd nawr, ond mae'r pwynt yn un dda ac un sydd heb ei anwybyddu gan gymdeithas sifig Cymru.
Dim siawns fynd nol at yr "oversized crab claws" nawr. Mae'r deu fis diwethaf ond yn gosod patrwm o "high stakes" yng nghasino'r Cynulliad o hyn ymlaen.
Penblwydd hapus (hwyr) gyda llaw.
Ar ol i Ruth Kelly ddeud fod angen diwrnod i ddathlu Prydeindod, dwi'n meddwl ei bod hi'n amser da i bwsio i gael Dydd Gwyl Dewi fel gwyliau yng Nghymru. Ond ar ol deud hynny ges ddim ryw ymateb ffafriol iawn gan Rhif 10 i'r ddeiseb i'r Prif Weinidog i gael gwyliau ar y 1af o Fawrth.
Efallai - Mae rhaid i Rhodri rheoli rhaniadau ei Blaid ei hun wrth gwrs hefyd. Beth buasai'n dda buasai deddf iaith yn gorfodi dwyieithrwydd ar y sector breifat, labeli ar gynnyrch ee - ceisio normaleiddio cymdeithas ddwyieithog...........Agenda yn ddidorol ar fformiwla Barnett - rwy'n cofio gwrando ar Phil Williams am ddwy awr yn ceisio egluro imi sut mae'n gweithio...cofio'r achlysur ond dim y cynnwys...oes yna wefan sy'n rhoi eglurhad ?
A Vaughan, ti'n cael gwneud un cwis yr wythnos !!!