Croeso i'r BYD
Hwre! Ar ol hir baratoi daeth diwrnod gwario arlein Croeso i'r blog-fyd...dwi'n awchu gweld y papur!
Mae son am "Y Byd" wedi fy atgoffa o gyd-ddigwyddiad rhyfedd. Y papur dyddiol cyntaf i gael ei gyhoeddi yn Gymraeg oedd y "Dinesydd Dyddiol" a gyhoeddwyd yn ystod Eisteddfod Caerdydd yn 1978. Golygydd y papur oedd Sian Edwards ond fe fyddai'r fenter wedi bod yn amhosib heb gefnogaeth perchennog Gwasg ap Dafydd, Henri Lloyd Davies, wnaeth symud ei wasg i'r maes er mwyn gallu argraffu dros nos.
Rai blynyddoedd yn ddiweddarach Sian Edwards oedd cadeirydd cenedlaethol Plaid Cymru. A phwy oedd yn Gadeirydd Ceidwadwyr Cymru ar y pryd? Henri Lloyd Davies.
Mae llawer o fewn y Blaid Geidwadol yn hawlio'r clod am Gymreigio'r blaid a thrawsnewid ei safbwyntiau ar bynciau fel datganoli a'r iaith. Ond, yn ei ffordd dawel ei hun, Henri oedd y gwr wnaeth gychwyn y broses honno a hynny bron i ugain mlynedd yn ol. Am flynyddoedd roedd yn llais unig dros ddatganoli o fewn ei blaid. Mae'n siwr ei fod e wrth ei fodd â'r hyn sy'n digwydd nawr.
Golygydd Materion Cymreig y Â鶹ԼÅÄ yn blogio'n rheolaidd ar faterion gwleidyddol Cymru.
SylwadauAnfon sylw
Da clywed hynny. Dw'i'n edrych ymlaen i gael gweld y papur yn dod allan.