Connspaid nam blogaichean
'S urrainn do bhlogaichean connspaid adhbharachadh.
Dha-rìribh, 's e sin fear de na h-amasan a tha aca - beachdan a thogail agus deasbad a bhrosnachadh.
Ach feumaidh tu a bhith faiceallach ma sgrìobhas tu blog agus tu ag obair do bhall-pà rlamaid na h-Alba.
Nas fhaiceallaiche a-rithist ma dh'obraicheas tu do mhinistear Riaghaltas na h-Alba.
Aig Àm nan Ceist an-diugh, thog Iain Gray cùis Mhark MhicLachlainn, a b' à bhaist a bhith obair do Rùnaire an Fhoghlaim, Mìcheal Ruiseal.
Bha aige ri falbh as dèidh mar a nochd gun robh e na ùghdar bloig a thug slaic - gun ainm - air ball-pà rlamaid na h-Alba agus eile.
Amharasach
Aig an à m, thuirt Mìcheal Ruiseal nach robh fios aige mu na bha a' tachairt agus gun do ghabh e ri tairgse bho Mhgr MacLachlainn a dhreuchd fhà gail.
Ach an-diugh, chaidh aithris gun tuirt Mgr MacLachlainn gun robh fios aig Mgr Ruiseal mu na bha e a' sgrìobhadh.
Gu prìbhiteach, tha na Là baraich amharasach gum bi an SNP a' cleachdadh nam blogaichean seo airson teachdaireachdan poileataigeach a sgaoileadh.
Dh'iarr Iain Gray air a' Phrìomh Mhinistear toirt air Mgr Ruiseal tighinn don t-seòmar gus mìneachadh dè dìreach am fiosrachadh a bha aige mu bhlog Mhgr MhicLachlainn.
Ach thuirt Ailig Salmond gun robh e riaraichte leis na thuirt Mgr Ruiseal air a' chùis mar-thà .
Na bheachd, bu chòir do Mhgr Gray a shùil a thoirt air cùisean eile.
Cuspairean eile
Carson, dh'fhaighnich Mgr Salmond, nach do chleachd Mgr Gray an cothrom aige ceistean a thogail mu chuspairean eile?
Dè mu dheidhinn tuiteam Ghlobespan, figearan ùra mu chion-chosnaidhean, Copenhagan agus blà thachadh na cruinne?
'S iad na cuspairean a bu chòir do cheannard nan dùbhlanach togail aig Àm nan Ceist, a-rèir a' Phrìomh Mhinisteir.
'S ann gu math follaiseach a tha e gun bheil faireachdainn là idir air na beingean là barach mu na h-ionnsaighean pearsanta a tha a' tighinn bho na blogaichean seo.
Agus chà in Ailig Salmond blogaichean den t-seòrsa gu là idir, ge b' e dè an taobh às an thà inig iad.
Ach nach e beachd a' mhòr-shluaigh mar-thà gum bi luchd-poileataigs a' toirt slaic air a chèile?
Am bi iad deònach èisteachd ri Iain Gray is e ag rà dh gu bheil na nà isteantaich nas miosa na duine sam bith eile?
Fà gaibh ur beachdan fhèin aig bonn na duilleige.
Is mise Niall O’Gallagher. Bidh mi a’ blogadh an seo mu chùisean poileataigeach ann an Alba.
