Â鶹ԼÅÄ

Pudsey - Arth-dderchog!

Pan gerddais i fewn i Ysgol Crug Glas Abertawe, fore Iau, 'doeddwn i ddim yn disgwyl gweld Robert Plant o Led Zepllin yn sefyll yno mewn par o shorts a fflip fflops!

Ond, yn ôl ei gyfaddefiad ei hun, mae John Thomas yn ymgorfforiad o'i arwr, a dwi'n siwr fod disgyblion yr ysgol, sy'n cynnig addysg i blant ag anghenion arbennig, yn credu fod John yn 'cool'.

Ysgol Crug Glas

Deng mlynedd ar hugain yn ôl fe sefydlodd John gynllun Interplay, sy'n intigreiddio plant ag anableddau o fewn i gynlluniau chwarae, ac unwaith eto eleni mae'r elusen wedi derbyn arian o Gronfa'r Plant mewn angen i barhau efo'r gwaith gwych mae nhw'n ei wneud.

Yn ystod yr wythnos, fe fues i'n teithio o Fon, i Gaerdydd, heibio Stiniog, Corris , ac Aberystwyth, Llandysul, Llanybydder, ac Abertawe i gyfarfod y gweithwyr ymroddgar hynny, sy'n gweithio yn y dirgel i wella ansawdd bywyd, oedolion a phlant, sydd mewn angen.

A heddiw, ar ddiwrnod y Plant Mewn Angen fe fydd Cymru unwaith eto, ar waetha'r wasgfa economaidd , yn cyfrannu'n hael i'r Gronfa.

A chofiwch fod rhosyn y Rhos, Stifyn Parri, yn cynnal ocsiwn drwy'r dydd ar Radio Cymru, ocsiwn fydd yn dod i ben ar raglen Geraint Lloyd y prynhawn 'ma.

Bydd, fe fydd heddiw yn ddiwrnod ARTH-BENIG!

Ocsiwn Radio Cymru

• Llyfrnodi gyda
• |
• |
• |
• |
• - Beth yw hwn?

Mae ganddo' chi boen dirdynnol yn eich pen. Ar ôl ymweliad a'r ysbyty, mae nhw'n cadarnhau fod ganddoch chi diwmor ar yr ymenydd, ac y bydd yn rhaid i chi gael llaw driniaeth. Y noson honno, a chithau ar fin mynd i gysgu, mae'r 'stafell yn goleuo ac
mae angel yn eich cyffwrddchi ar eich talcen. Mae'r boen a'r tiwmor yn diflannu.
Gareth Rowlands, fu'n son wrtha i am ymweliad yr angel, ym mynwent Capel y Groes, Llanwnnen.

Fe gewch chi glywed y sgwrs ar raglen Nia yr wythnos nesa.

Yn y fynwent hon hefyd, mae bedd joci y ceffyl enwog, Nans o'r Glyn, y canodd Doreen Lewis amdano, ac fe ges i ei hanes o gan weinidog y capel - Cen Llwyd. Mae'r diddordeb mewn mynwentydd ar gynnydd, ac mae carreg fedd yn gallu bod yn
ffynhonell bwysig o wybodaeth, yn enwedig os ydach chi'n olrhain hanes eich teulu.

Os oes 'na fynwent ddiddorol yn eich ardal chi, lle mae 'na garreg fedd go anghyffredin yna cysylltwch efo mi hywel@bbc.co.uk

Gyda llaw, glywsoch chi am y wraig, oedd wedi rhoi amser caled i'w gwr ar hyd ei oes, druan bach, yn gofyn iddo fo un noson "Wyti wedi penderfynnu be' fasa ti'n hoffi ei gael ar dy garreg fedd?" "Ydw" medda fo'n dawel benderfynol "Gŵr yr uchod"

• Llyfrnodi gyda
• |
• |
• |
• |
• - Beth yw hwn?