Mae'n rap
Pe digwydd ichi fod yng nghyffiniau pabell mentrau Iaith Cymru mae gwahoddiad ichi chi gyfrannu at gerdd i'w rapio gan Aneirin Karadog.
Yn gyflwynydd Wedi 7, yn fardd ac yn rapiwr o fri gosododd Aneirin linell gyntaf cerdd 'Rap yr Eisteddfod' a gwahodd ymwelwyr â'r babell i ychwanegu llinellau.
Gyda'r llinell gyntaf, "Fi yw'r Steddfod a dwi'n gwybod" yr Eisteddfod ei hun sy'n siarad ac ymhlith y llinellau sydd wedi eu hychwanegu hyd yn hyn mae;
"Dwi'n llawn o ffrisbis, well gen i Stwnsh na Ceebibîs" gan symud ymlaen i drafod y coroni pnawn ma a'r Goron yn rhodd gan y Seiri Rhyddion.
Piciwch draw, mae'n dipyn o hwyl.
Dim ond un o weithgareddau'r wythnos ym mhabell Mentrau Iaith Cymru (209) yw hyn. Yfory bydd Carioci Cymraeg rhwng 1200 a phedwar, Sesiwn Ukelele yr un amser ddydd Mercher, Canu dawns meim a stori ddydd Iau, Creu cymeriadau cartŵn ddydd Gwener a Stori a Chân ddydd Sadwrn.
Fel maen nhw'n dweud , Uts a rap . . .
Mwy o'r Eisteddfod: Canlyniadau, gwylio'n fyw, straeon, clipiau teledu, blogiau a newyddion o'r Maes.
