Dyfyniadau
Nos Sadwrn berffaith Tara Bethan; y joban berffaith i Gavin Henson - cofio'r wythnos a fu trwy nodi rhai o'r pethau a ddywedwyd yn y wasg ac ar y cyfryngau Cymreig ers dydd Gwener diwethaf
A gwahoddiad i chwithau bêl rannu gyda ni y doniol, y difyr neu'r dwys a welsoch chi. Anfonwch nawr . . .
- Mae o'r peth perffaith i mi. Yn cael treulio llawer o amser yno gyda merch brydferth - Gavin Henson yn dilyn ei ymddangosiad cyntaf ar 'Strictly Come Dancng'.
- Mae hwn yn fater anferth - Bethan Jenkins AM yn rhoi yn ei chyd-destun ffrae gyfredol ynglŷn â merched ysgol yn gwisgo sgertiau mini.
- Cusan Ffrengig oedd hi a doedd hi ddim yn un beserus iawn gan nad oedd hi wedi rhoi ei dannedd i mewn - Dyn 65 oed a gafwyd yn euog mewn llys yn Llandudno o gyffwrdd gwraig 69 oed yn rhywiol. Ac yn ôl adroddiad yn y 'Wales on Sunday' ychwanegodd wrth gael ei holi; "Fe wnaeth hi fy nghusanu innau hefyd. Dannedd gosod sydd gen i fy hun."
- Math o Marilyn Monroe Gymreig - disgrifiad o'r gantores Duffy yn dilyn premier y ffilm 'Patagonia' yng Ngŵyl Ffilm Llundain.
- Pan siaradais i efo fo [Owen Edwards] ddiwethaf . . . roedd o'n poeni'n arw am ddyfodol y Sianel. Dywedodd ei fod yn teimlo'n drist iawn nad oedd pobol gyffredin yn protestio am y dirywiad yn y gwasanaeth. Roedd hynny, meddai, yn arwydd nad oedd ots ganddyn nhw amdani ac nad oedd y Sianel yn berthnasol i bobol mwyach - John Pierce Jones yn 'Barn'.
- Mae darllen hwn yn codi calon dyn yn fwy am ddyfodol y Gymraeg na'r holl gylchgronnau noddedig gyda'i giydd - Emyr Llywelyn yn dyfarnu Tlws Coffa Eirug Wyn i Lowri Rees Roberts, golygydd WA-w!
- Y nos Sadwrn berffaith i mi ydi ffrindiau gorau, lolfa gymmes, gwin coch a bwyd da - Tara Bethan yn WA-w!
- . . . yr oedd ef [Tad Howard Marks] yn y llynges fasnach . . . felly welais i mohono nes roeddwn i'n ddwy oed sy'n egluro pam mai Cymraeg yw fy iaith gyntaf. Roedd fy Mam o'r gorllewin ac felly'n Gymraeg iawn; felly dysgais Gymraeg ac erbyn i mi gyfarfod fy nhad fe allwn i siarad Cymraeg ond allai ef ddim; anhawster y gwnaethom ei oresgyn trwy i mi ddysgu Saesneg, debyg - Howard 'Mr Nice' Marks yn cael ei holi yn y 'Wales on Sunday'.
- Mae athrawon yn wynebu mwy o drais, a hyd yn oed pethau fel cael eu ffilmio ar ffonau symudol wrth ddysgu. Mae'n broblem gymdeithasol, ond lle mae'r atebion? - Iwan Guy, Undeb y prifathrawon NAHT.
