Map placiau
Wrth eu placiau yr adnabyddir hwy - ac wele ddifyr gan yr Academi yn nodi ar fap o Gymru lle mae placiau wedi eu gosod i goffau llenorion o fri.
O glicio ar y gwahanol leoliadau ar y map mae gwybodaeth gryno am yr awdur dan sylw.
Gwelir rhai o'r placiau coffa mewn eglwysi a mynwentydd a hefyd ar waliau llyfrgelloedd neu dai.
"Mae nifer o gofebau cyhoeddus ledled Cymru er cof am Awduron Cymreig - rhai a fu'n ysgrifennu yn yr ugeinfed ganrif, eraill a fu'n byw mwy na phum can mlynedd yn ôl," meddai'r mewn datganiad.
Ymhlith yr awduron mae Saunders Lewis, Kate Roberts, R. Williams-Parry a T.H. Parry-Williams.
"Nid ar ffurf ysgrifenedig yn unig y mae'r wybodaeth; gwelir ffotograffau, mapiau rhanbarthol, dolenni i ysgrifau coffa, erthyglau, fideos YouTube a gwefannau eraill o ddiddordeb," meddir.
"Mae'r wefan newydd sy'n canu clod i blaciau llenyddol Cymru yn dangos gwir ehangder ein llenyddiaethau. Bydd ymwelwyr a phobl lleol yn canfod llawer o wybodaeth newydd efallai, am sut mae Cymru yn ysgrifennu ei llyfrau," meddai Prif Weithredwr yr Academi, Peter Finch.
Hyd yn hyn, mae Academi wedi creu proffil ar gyfer 58 o blaciau, yn coffáu awduron Cymraeg a Saesneg eu hiaith gan obeithio "codi ymwybyddiaeth" y cyhoedd ac atgoffa cymunedau a thrigolion o'u treftadaeth lenyddol.
Crëwyd 16 o'r placiau gyda chefnogaeth Ymddiriedolaeth Rhys Davies a dywed yr Academi ei bod yn croesawu cyfleoedd i weithio gyda sefydliadau, awdurdodau ac ymddiriedolaethau i gynhyrchu placiau ychwanegol.
