Rhwng dau gloc
Mae dau gloc urddasol i'w gweld o Faes yr Eisteddfod ym Mlaenau Gwent.
Un ar dŵr adeiladau hen swyddfeydd y gweithfeydd dur a'r llall ar dwr eglwys yr ochr arall i'r cwm.
Mae'r cyntaf wedi aros yn gyson ar ddeuddeg o'r gloch ers inni gyrraedd y Maes ond y llall, ar yr eglwys, yn ddigon agos at yr amser sydd ar watsus pawb arall ar y Maes.
Bob amser yn dweud y gwir fel y byddech chi'n ddisgwyl gan gloc eglwys a siawns nad oes yna foeswers grefyddol yn y geirwiredd amseryddol hwn - byddai rhaid cael un o ystumwyr damhegion 'Dweud eich dweud' y 'Post Cyntaf' i ddweud hynny'n daclus.
"Wel mae hi'n hanner dydd parhaol ar hwnnw," meddwn i.
"Efallai mai hanner nos stopiodd o," awgrymodd cyfaill.
" style="text-align: center; display: block; margin: 0 auto 20px;" />A beth am y llall?
"Amhosib," meddai cyfaill arall. "Fyddech chi ddim yn gallu'i weld yn y tywyllwch."
Tic toc.
