Cwt a hanner
Un o gampau Sion Blewyn Coch Llyfr Mawr y Plant ers talwm oedd torri i mewn i gwt ieir Eban Jones a chyda hynny mewn cof roedd yn ddiddorol iawn darllen yn Y Ffynnon, papur bro Eifionydd, am gwt ieir a fyddai'n her i'r Blewyn Coch ei hun hyd yn oed.
Mae tipyn o hanes i'r campwaith:
"Pan ymwelodd Sion BIewyn Coch a fferm Pen Bryn, Cricieth gan ddwyn amryw o ieir, gofynnodd HeIedd i'w thad, G R Owen, Gilfach, Chwilog, tybed a allai wneud rhyw lun o gwt ieir iddi rhag iddi ddioddef rhagor o golledion a methu â chael wy i frecwast!" meddai'r Ffynnon.
"Dair blynedd a hanner yn ddiweddarach, a phob iâr wedi ei hen dreulio gan y cadno, y mae'r cwt ieir yn barod. A dyna i chi gwt ieir!
"Mae wedi ei wneud o ddur solat, pob nyth unigol wedi ei fesur yn berffaith; y tu mewn wedi ei focsio yn ddigon o sioe a grisiau crand yn arwain at glwydi eang ar ei ganol.
"Ar ei dalcen mae ffenest fach dac1us ryfeddol o'r plastig gora ac ar y talcen arall mae drws ffrynt ac arno follt a lle i osod clo fyddai'n gwneud cyfiawnder â charchar Alcatras.
"Mae'r cyfan wedi ei osod ar bedair olwyn gref ac wedi ei baentio a phaent gwyrdd llachar," meddir.
Doedd rhywun ddim yn synnu clywed; "Ar hyn o bryd yn ôl yr hyn a ddeallwn, nid oes modd prynu cwt tebyg iddo yn unman yn y byd."
Drosodd atoch chi Sion Blewyn Coch a Sian Slei Bach
