Pallu Plesio Pump - a mwy
Er mai ynglÅ·n ag atal y Gadair y bu'r holl falu a siarad nos Wener nid hon oedd yr unig gystadleuaeth yn yr adran Lenyddiaeth lle gwrthodwyd gwobrwyo.
Yr oedd dwy arall a waeth enwi - yn nhraddodiad y nêm an shêm - feirniaid y ddwy gystadleuaeth arall hefyd i'w hychwanegu at Branwen Jarvis, Gwenallt Llwyd Ifan a Ceri Wyn Jones fel rhai a ddifethodd y Steddfod i rai.
Ataliodd Gerallt Lloyd Owen y wobr yng nghystadleuaeth y cywydd!
Ac yn y gystadleuaeth "Colofn o newyddion dychmygol ar gyfer papur bro" ni welodd William H Owen ddim byd gwerth ei wobrwyo gan yr 18 a gystadlodd.
Tybed a fyddai'n syniad i'r pum beirniad anodd eu plesio hyn drefnu aduniad yng Nglynebwy fis Awst nesaf?
Mae cymdeithasau wedi eu sefydlu am resymau salach.
Gai awgrymu Cydymdeithas y PPP - Pwyllgor y Pump Piwis?
Ac fe allen nhw gyfethol i'w plith, wrth gwrs, Emyr Davies a ataliodd y wobr yn y gystadleuaeth 'Deunyddiau ar gyfer dysgwyr' a Lyn Davies a Shan Cothio a ddewisodd atal y wobr yng nghystadleuaeth Tlws y Cerddor.
