Sain gwybod
Felly, mae hi'n ddeugain mlynedd ers sefydlu Sain. Pwy feddyliai yn 1969 y byddai'r cwmni a sefydlodd Dafydd Iwan, Huw Jones a Brian Morgan Edwards 'yma o hyd' fel petai.
A hynny'n dilyn sgwrs ar stesion Afonwen os ydw i'n cofio'n iawn!
Beth bynnag, mae yna gyngerdd i ddathlu'r achlysur yn y Pafiliwn nos Lun am wyth.
Record Huw Jones, ¶Ùŵ°ù, oedd un gyntaf y cwmni gyda Fy Ngwlad fy Hun ar yr ochr arall.
Ac yr oedd Huw yn ôlddeuddeng record ar hugain yn ddiweddarach gyda Dwi Isio Bod yn Sais ar Sain 33.
Un arall o'r sefydlwyr, Dafydd Iwan, oedd yr ail i recordio, Myn Duw mi a Wn y Daw .
Ar y bedwaredd record y clywyd un arall sy'n dal yn enw mawr heddiw ac a fydd yn y cyngerdd nos Lun, Mike Stevens gyda'r Brawd Houdini.
Mae amryw yn cysylltu cân wrth-arwisgo feiddgar Dafydd Iwan, Carlo - gyda'r Dyn Pwysig yr ochr arall - efo'r cwmni newydd a mentrus, Sain, hefyd ond ar label Recordiau Teldisc rai misoedd cyn bodolaeth Sain y cyhoeddwyd y rheini.
Tybed faint o'r recordiau hyn sy'n dal yn eich meddiant chi - a pha mor ddi-dor yw eich casgliad o recordiau Sain?
Un, dau, bwlch, pedwar, bwlch, chwech, saith ac yn y blaen gyda nifer o fylchau ydi'n 'record' salw i fel casglwr!
