Benthyg arian yn y ffair
KASIA Dw i’n dwlu ar reidiau ffair!
Dw i eisiau mynd ar Mellten ddeg gwaith! Cant gwaith!
IZZIE Faint mae o’n gostio i fynd ar Mellten?
DAN Pum punt y tro.
KASIA O! Dw i wedi anghofio fy arian!
Faint o arian sy’ gyda ti?
IZZIE Mae pump…deg…pymtheg…ugain punt gen i.
KASIA Ga i fenthyg dy arian os gweli di’n dda?
IZZIE Na chei neu bydda i ddim yn gallu mynd ar Mellten.
KASIA Wyt ti’n cynilo dy arian poced, Dan?
DAN Ydw. Mae pump…deg…pymtheg…ugain punt gen i ar hyn o bryd.
KASIA Ga i fenthyg ugain punt os gweli di’n dda?
DAN Wel…eh…
KASIA Dw i’n addo rhoi’r arian yn ôl dydd Llun.
DAN O, iawn.
KASIA Diolch. Galla i fynd ar Mellten un…dwy…tair…pedair gwaith nawr!
DAN O diâr. Mae Kasia’n sâl.
IZZIE Mae hi’n sâl fel ci.
KASIA Dyma dy arian yn ôl, Dan. Dw i ddim eisiau tro arall ar Mellten.
IZZIE Tyrd Dan! Tro ni rŵan!